Богдхан уулын бүс дэх стандарт бус хашаануудыг буулгаж эхэллээ

Moderator

2025/10/19

Зэрлэг амьтанд ээлтэй UCS0304B:2025 хашааны стандартыг мөрдүүлэх ажлыг Богдхан уулын хамгаалалтын захиргаанаас эхлүүлээд байна. Энэ дагуу Богдхан уулын дархан цаазат газрын хязгаарлалтын бүсэд газар ашиглагч 580 орчим иргэн, хуулийн этгээдэд мэдэгдэл, шаардлага хүргүүлжээ. Үүнээс стандартад нийцээгүй 34 байршилд 12452 метр хашааг чөлөөлж эхэллээ.

Стандартын шаардлага хангахгүй хашааны улмаас нийслэлийн орчимд 31 амьтан сүлбэгдэх, хавчуулагдах зэргээр хорогдсон судалгааны дүн гарчээ. Тиймээс батлагдсан стандартыг мөрдүүлэх, хэрэгжилтийг хангах чиглэлээр Байгаль орчин, уур амьсгалын өөрчлөлтийн сайд Б.Батбаатар Богдхан уулын дархан цаазат газарт өнгөрсөн есдүгээр сард ажиллахдаа холбогдох албаныханд үүрэг чиглэл өгөөд байсан юм.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ