АН-ын бүлэг гурав хоногийн завсарлага авснаар чуулганы хуралдаан өндөрлөлөө

Moderator

2025/10/17

УИХ-ын чуулганы өнөөдрийн хуралдаанаар Ерөнхий сайд Г.Занданшатарыг огцруулах, УИХ-ын дарга Д.Амарбаясгаланг өөрийнх нь хүсэлтээр үүрэгт ажлаас нь чөлөөлөх асуудлыг хэлэлцэж шийдвэрлэсэн.

Үүний дараа 2026 оны төсвийн тухай хуулийг гурав дахь хэлэлцүүлэгт бэлтгүүлэхээр холбогдох байнгын хороодод шилжүүлсэн юм. Мөн Монгол Улсын 2026 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийг УИХ-аар хэлэлцэх эсэх хэлэлцүүлгийг эхлүүлж, гишүүд асуулт асууж хариулт авч байлаа.

Гэвч УИХ-ын гишүүн, УИХ дахь Ардчилсан намын бүлгийн дэд дарга Х.Тэмүүжин дээрх хэлэлцүүлгээс гурав хоногийн завсарлага хүссэн юм. Энэ дагуу УИХ-ын дэд дарга Х.Булгантуяа гурав хоногийн завсарлага өгснөөр өнөөдрийн чуулганы хуралдаан өндөрлөлөө.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ