УИХ-ын гишүүн асан Н.Оюундарийн нөхрийн компани ХБ-наас 3 тэрбум төгрөгийн зээл авснаас 0.8 тэрбум төгрөгийг нь төлөөгүй байна

Хөгжлийн банкны нотлох баримтыг шинжлэн судлах сонсголын гурав дахь шат Төрийн ордноо өнөөдөр /2023.03.17/ тав дахь өдрөө үргэлжилж байна. 

Тухайлбал, Говь хурах ХХК нь сүү, сүүн бүтээгдэхүүний төслийн хүрээнд Хөгжлийн банкнаас 3 тэрбум төгрөгийн зээл авсан байдаг. Нийт санхүүжилтээс 0.7 тэрбум төгрөгийг хувьцаа эзэмшигчийн хадгаламжид байршуулсан бөгөөд энэ оны нэгдүгээр сарын 31-ний байдлаар 0.8 тэрбум төгрөгийн зээлийн өрийн үлдэгдэлтэй байна. Эл компанийн 50 хувийн хувьцааг Л.Баяраа, 50 хувийг УИХ-ын гишүүн асан Н.Оюундарийн нөхөр Ц.Санжжав эзэмшдэг аж.

Түүнийн гэр бүлийн бизнес: 

“БльюМон” Группийн Ерөнхий захирал Ц.Санжжав нь 2000 оноос “Цэ энд Цэ” ХХК-г анх үүсгэн байгуулж өөрийн бизнесийн гараагаа эхэлснээс хойш өдгөө 19 жилийн хугацаанд Нийтийн хоол үйлчилгээний салбарт “Нью Булл”, “Нью Буффало”, “Шөлөндө”, “Сура Хаус”, “Жигнүүр бууз”, “Монгол Шар Айраг Брьювери”, Худалдааны салбарт “Хүрд трейд”, “Nike” “Converse” брэнд, Үл хөдлөх хөрөнгө болон барилгын салбарт “Түрэлт”, “БльюМон Пропертийс”, “Петротранс”, “Петротранс Топ”, “Петротранс Дорнод” компаниудыг үүсгэн байгуулж Ерөнхий захирлаар ажиллаж байна.