News paparazzi: 670 орчим нэр дэвшигчээс 342 нь ХОМ-ээ бүртгүүлэн, баталгаажуулжээ

УИХ-ын 2020 оны ээлжит сонгуульд нэр дэвшигч хөрөнгө, орлогын мэдүүлгээ цахимаар мэдүүлэх хуулийн хугацаа өнөөдөр буюу 5 сарын 19-20-нд шилжих шөнийн 00:00 цагт дуусгавар болж цахим систем автоматаар хаагдахыг АТГ-аас анхааруулж байна.

Нэр дэвшигч нь хөрөнгө, орлогын мэдүүлгээ АТГ-ын meduuleg.iaac.mn цахим системд гаргаж бүртгүүлэх үүрэгтэй.

Өнөөдрийн 10:00 цагийн байдлаар нам, эвсэл, бие даагч 670 орчим нэр дэвшигч цахим сайтад ХОМ бүртгүүлэх эрхээ үүсгэсэн бөгөөд тэдгээрийн 342 нь хөрөнгө, орлогын мэдүүлгээ бүртгүүлж, баталгаажуулаад байна.