News paparazzi: У.Хүрэлсүх: Дөрөвдүгээр сарын 01-нээс эхлэн хүүхдийн мөнгийг 100 мянга болголоо

МУ-ын Ерөнхий сайд ‬У.Хүрэлсүх ‪Эдийн засгийг дэмжих, иргэдийн амьжиргаанд дэмжлэг үзүүлэх хөтөлбөрийг хэрэгжүүлэх талаар мэдээлэл хийлээ. 

Коронавирусийн цар тахлын үед хүүхэд, хөгжлийн бэрхшээлтэй иргэд, нийгмийн эмзэг бүлгийн иргэдэд  санхүүгийн дэмжлэг үзүүлэх тухай Засгийн газраас хэрэгжүүлэх 2 дахь багц арга хэмжээний асуудлыг хэлэлцээд Засгийн газраас тогтоол гарсан байна.  Тус тогтоолын хүрээнд 0-18 насны хүүхэд бүрт дөрөвдүгээр сарын 1-нээс аравдугаар сарын 1 өдрийг хүртэл 6 сарын хугацаанд хүүхдийн мөнгөн тэтгэмжийг 100,000 төгрөг болгож нэмэгдүүллээ. Ингэснээр дөрөвдүгээр сард 30,000 төгрөг авсан хүүхдүүдэд 70,000 төгрөгийг нөхөж олгох юм байна. 

Мөн өнчин хүүхдүүдэд 100,000 төгрөг нэмж олгоно. Өрх толгойлсон эцэг, эхчүүдэд 100,000 төгрөг нэмж олгоно. Эдгээр дэмжлэгт улсаас 793.6 тэрбум төгрөг зарцуулахаар төлөвлөөд байна.