Гурван охины Анхмаа анх удаа нөхөр хүүхдийн хамт “папараци”-д

“Гурван охин” хамтлагийн Анхмаа үргэлж л хэвлэл мэдээллээр сайн, муугаар өртдөг нэгэн. Харин жүжигчин Бэки буюу Билэгжаргалтай хайрын холбоо тогтоосноор түүнийг янз бүрийн эрчүүдтэй холбон ярих хов, жив эцэс болсон гэж хэлж болно. Хэдэн сарын өмнө Анхмааг нярайлсан гэх мэдээлэл дэгдэж хоёр хос маань охинтой болж ёстой л баярын мэндэд даруулж шинэхэн аав, ээжүүд болсныг фенүүд нь санаж байгаа байх. 

Хүүхдээ төрүүлээд удаагүй байсан Анхмаа нэг их удалгүй Солонгос явж, нөхөр Билэгжаргал нь уран бүтээлийн ажилдаа шамдан орсон байна. Жүжигчин Бэки нь Монголын шилдэг уран бүтээлчидтэй хамтран нэгэн шинэ кинонд ажиллаж байгаа сурагтай. 

Дашрамд дуулгахад хоёр хос маань охиндоо агуу их хайрын ундаргыг бэлэгдэж Ундарга гэх содон нэр хайрлажээ. Одоо охин нь 4 сартай аж. Хайрт эхнэр охин хоёроо Солонгосоос ирэх үед тосж байгаа нь манай папараци-д дуранд өртлөө. Бяцхан хөөрхөн охиноо жүжигчин залуу маань их л санасан бололтой…