Тэсэрсэн Т.Ариунаа эрэлттэй байна

МУГЖ Т.Ариунаа арван жилийн дараа тоглолтоо хийсэн нь өнгөрсөн намрын хамгийн дуулиантай явдлуудын нэг байлаа. Арван жилийн турш бэлдсэн гэмээр нүсэр тоглолт нь Монголын тоглолтын түвшинг шинэчилж, нэгэн шат ахиулсан гэхэд хилсдэхгүй. Тэрхүү тоглолтоос нь түүний олон жилийн хчээлт зүтгэл, хөдөлмөр илт мэдрэгдэж байсан юм. Ингэж өнгөрсөн намар “Тэнгэр шиг бай”  тоглолтоороо тэсэрсэн тэр энэ жилийн шинэ жилийн баярт өдрүүдэд ихэд эрэлттэй байгаа ажээ. Монгол хүн бүрийн сайн мэддэг “Тэнгэр шиг бай” шүлгийг уран бүтээл болгож, дээр нь нэмээд “Тусгаар тогтнол” гэсэн шинэхэн хоёр уран бүтээлтэй гавьяатыг урих ААН, албан байгууллагууд олон байгаа гэнэ шүү. Ийн машид завгүй гүйж яваа гавьяат маань саяхны нэгэн арга хэмжээнд мөн хүрэлцэн ирэн ая дуугаа өргөхдөө манай дуран буусан нь энэ.