Шинэхэн дарга, дуучин Ч.Бат-Эрдэнийн цэнгэлтэй үдэш

Одоогоос арван хэдэн жилийн тэртээ үеийн хэдэн залуус зохиолын дуугаар хүч түрэн гарсны нэг нь МУГЖ Ч.Бат-Эрдэнэ. Тухайн үедээ Монгол түмнийг дуугаараа байлдан дагуулж явсан залуус зарим нь дуулж, хуурдахаа болж тэс өөр карьер хөөх болсон билээ.

 Ч.Бат-Эрдэнэ гэнэт нам гүм болж Удирдахуйн ухаанд суралцаж, хэсэг гадаадад байж байгаад  эргэж ирэн даргын суудал хөөцөлдөх болсон билээ. Өнгөрсөн жил тэр соёл урлагийн их сургуулийн /СУИС/ Нийгмийн түншлэл, бүтээлч үйлдвэрлэл эрхэлсэн дэд захирлын албыг хашиж байсан бол саяхан буюу өнгөрсөн сарын сүүлээр Нийслэлийн Соёл, урлагийн газрын даргаар томилогдсон байна. Шинэхэн төрийн албаны дарга дуучин залуу маань ийн цэнгэн хөгжилдөж байх үедээ манай дуран өртөж байв.

Ажилласан туршлагын хувьд, чөлөөт уран бүтээлчээр ажиллаж байгаад

• 2006-2009 онд Нийтийн дуучдын нэгдсэн холбооны тэргүүн
• 2009-2010 онд Яруу найраг, хөгжмийн зохиол, дуучны эрхийг хамгаалах Монголын үндэсний нийгэмлэгийн ерөнхийлөгч
• 2014 онд Соёлын дээд сургуулийн захирал
• 2014-2017 онд СУИС-ийн дэд захирал
• 2017 оноос СУИС-ийн Бүжгийн урлагийн сургуулийн захирлаар ажиллаж байгаад ийнхүү нийслэлийн Соёл, урлагийн газрын даргаар томилогдсон байна.

Тус албан тушаалд өмнө нь Ж.Дамдинцэрэн томилогдон ажиллаж байсан ч Төрийн албан хаагчийн ёс зүйн хэм хэмжээг баримтлах, төрийн албаны нэр хүндийг эрхэмлэх нийтлэг үүргээ биелүүлээгүй гэдэг шалтгаанаар 2019 оны зургаадугаар сарын 5-нд хотын дарга С.Амарсайхан түүнийг халах шийдвэр гаргасан юм.