ГҮНЖ КЭЙТ МИДДЛТОН ОЛНЫГ “АНГАЙЛГАВ”

Английн ханхүүгийн бэр гэсэндээ Кэйт саяхан болсон нэгэн үдэшлэгт ихэмсэг, даруу атлаа язгууртан загвартай хувцаслалт, үс засалтаараа олныг  алмайрууллаа. Хүн бүр л түүний стиль имижийн талаар магтан ярьж байв.  

Чарльзийн хүү Вилльяамтай гэрлэн Английн хааны гэр бүлд багтсан Кэйт Миддлтон үнэхээр хувцсандаа гамтай юм. Бас дизайнер энээ тэрээ, гоёл чимэглэлээ арга хэмжээ бүрт сольж хольж “маягладаггүй” нэгэн. 

Британий Урлагийн Академийн арга хэмжээнд тэрээр дээр үед өмсөж байсан хуучин даашинзаа хуурай хими цэвэрлэгээнд өгчихөөд л өмсөөд ирсэн аж. Энэхүү цагаан даашинзаа гүнж Кэйт өнгөрсөн жил Лос-Анжелес хотод болсон баярт өмсөж байжээ. 

Бид Гүнгийн авхайг ямар нэг байдлаар буруутгах гэсэнгүй. Харин Английн Ерөнхий Сайд хүртэл хүрэлцэн ирсэн Британий Урлагийн Академийн тус арга хэмжээг Кэйт тоосон ч шинжгүй, ач холбогдол ч өгөхгүй байгаа мэт хуучин хувцсаа өмслөө хэмээн орон нутгийн хэвлэл мэдээллийн хэрэгслээр мэдээлжээ.  

Кэйт Миддлтоны хувцаслалтаас танд сонирхуулъя.