НОЁН БОНДГОРЫН ИМИЖ

   Хэн нэгэн олны танил болоход нэр ус, гадна төрх, стиль имиж чухал нөлөөтэй. Тэгвэл ёстой л бөмбөг шиг бөөрөнхий атлаа эгдүүтэй, эвлэгхэн хоолойт дуучин ноён Бондгор бидний папараци дуранд туслаа. Гадна төрхтэйгээ артист нэрээ тун чиг зөв хослуулсан түүний фенүүд олон бий.

   Тэрээр дуучин Жавхлантай хуурай ах дүүгийн барилдлагатай гэнэ лээ. Хувийн бизнес эрхлэн хэдийнэ гэр бүлтэй болсон ноён Бондгорын жинхэнэ нэрийг Амарбаяр гэдэг. “Миний найз” дуугаараа олон газар, арга хэмжээнд уригдан дуулдаг түүнийг ойр дотныхон нь “сэргэлэн” залуу хэмээн үнэлдэг. 

   Дуучин Амарбаяр Тэнгис кино театрын урд явж байгаад манай дуранд буусан бөгөөд ажил хэрэгч, албаны биш харин ч спортлог стилийг сонгон хувцаслажээ. Түүнийг олон нийтийн газраар явахад андахгүй, мэдэхгүй Монгол хүн гэж үгүй. Гаднах байдлыг нь харсан ч танихаас аргагүй юм даа Бондгорыг...