“ТАТАР АЖИЛЛАГАА”-НЫ КОЛЯГИЙН ИМИЖ

         Бараг ганцхан кинонд тоглоод “од” болсон жүжигчин бол УДЭТ-ийн залуу жүжигчин Э.Батхүү. Тэрээр олон тооны кино, жүжигт тоглож хараахан амжаагүй ч стиль, имиж, гадна төрх, “ганц сайн тоглосон” киногоороо олонд хэдийнэ танил болсон. “Hero” энтертэйнментийн хийсэн кино үзэгчдэд хүрдэг учир “Би чамд хайртай-2”-ын дараа хит болсон кино бол “Татар ажиллагаа”.

        Учиргүй боевик юм шиг атлаа инээдмийн төрлийн байсан тус кинонд Монголын авьяаслаг хоёр жүжигчин, хоёр дуучин тоглосноороо онцлогтой. “Шар үстэй, шатсан байшинтай Коля” өнөөдөр “од” болоод зогсохгүй “Оддын Хөлбөмбөг”-ийн тэмцээнд хүртэл оролцож байна. Хүний мэргэжлийн онцлог гэж байх юм даа.

       Мянга, мянган хүний амийг аварсан эмч нар эсвэл зуу зуун гавьяа байгуулсан хүмүүс олны танил болоогүй байхад ганцхан кинонд тоглоод од болдог хүмүүс бас байна. Үүний нэг жишээ болсон, УДЭТ-ийн жүжигчин Батхүүгийн үсний засалтын өвөрмөц имижийг манай папараци дуран харуулж байна.