НӨХРӨӨ ХАРУУЛДСАН НАРАНСОЛОНГО – ХАА Ч ЯВСАН ЦУГ ГЭЖ МЭДЭЭРЭЙ

             Х Түц хамтлагийн жүжигчин Нарансолонго, өөрөөсөө нэлээд дүү, хамтлагийнхаа жүжигчин Тэмүүжинтэй дэр нэгтгэсэн билээ. “Оддын Хөлбөмбөг”-ийн үеэр тэрээр бяцхан хүүгээ дагуулан, нөхрөө дэмжихээр ирсэн байхад нь бид папарацидсан юм. Зураг авах үед ихэд зугтаж, бултаж байсан жүжигчин бүсгүй гэр бүлдээ тун чиг хайртай болох нь мэдрэгдэнэ.

           Тэмүүжин ч гэсэн өөрийг нь өвчсөн мэт дууриасан хүүгээ тоглолтын дундуур зав л гарвал эрхлүүлж байгаа харагдсан. Хайр сэтгэлд нас хамаагүй гэдгийг баталсан Х Түц хамтлагийнхан бие биедээ халамжтай. Эгчмэд бүсгүйчүүд нь хамтлагийн залуухнуудаа “уургалцгаадаг” тус хамтлагийн хоёр аливаа арга хэмжээнд гэр бүлээрээ оролцох дуртай. 

        Гэхдээ жүжигчин Нарансолонго яагаад зургийн аппарат, камернаас тэгтлээ үргээд байдаг юм бол оо? Харин ч сайхан гэр бүлээрээ бахархаад патиараа нүүр бардам татуулмаар юм.