Галт тэрэг осолдсон замыг засчээ

Өнгөрсөн баасан гаригаас бямба гаригт шилжих шөнө “Дархан-2” өртөөнд ачааны галт тэрэг онхолдсон хэрэг гарсан. ОХУ-аас БНХАУ-руу мод тээвэрлэж явсан галт тэрэг онхолдсон бөгөөд хүний амь нас эрсдээгүй юм. Мөн тээвэрлэж явсан ачаа бүрэн бүтэн үлдсэн гэх мэдээллийг холбогдох албаныхан өгсөн байна.

Ослын шалтгааныг бороо их орсны улмаас газрын хөрс зөөлөрсөнтэй холбоотой байх магадлалтай хэмээн "Улаанбаатар төмөр зам" ТӨХК-иас үзэж байгаа аж. Одоогоор осолдсон галт тэрэг болон эвдэрсэн замыг янзалж дууссан байна. Осол гарсан хэсэг нь "Дархан-2" өртөөний зам дахь туслахаас төв зам руу орсон хэсэг учраас хөдөлгөөнд саад болоогүй байна. Ослын газарт замын дөрвөн орлогч, Оросын талын дарга нар ажиллаж байгаа аж. 

Г.ИТГЭЛ