Цаг цагаараа байдаггүй, гишүүн гишүүнээрээ үлддэггүй гэж энэ дээ

Гурван жилийн өмнө ҮХАА-ын сайд байхдаа Х.Баттулга биеийн тамирын хувцастай, тэр дундаа хүчний бэлтгэлийн хувцастай ирж наадамчин олонд хүндэтгэл үзүүлж байсан юм. Урьд урьдны жилүүдэд ч мөн ялгаагүй биеийн тамирын хувцас, бүр спорт загварын хар ноосон малгай, малгайтай цамцтай ирж байсныг санаж буй биз. Тухайн үед А.Сүхбат гишүүн биш бөх, харин Женко гишүүн байлаа. Харин өнөөдөр Женко бөх, А.Сүхбат гишүүн гэх статустай болжээ. Цаг цагаараа байдаггүй, гишүүн гишүүнээрээ дуусдаггүй гэж л энэ байх даа хэмээх нь ч байна.

Сонирхуулахад хувцаслалт бол бусдыг хүндэтгэх бас өөрийгөө хэр хүндэтгэдгийн илэрхийлэл. Гэтэл Х.Баттулга гишүүн асан жил жилийн наадмаар штанк өргөх гэж байгаа мэт хувцаслаж ирдэг нь бусдаас өөр харагдах гэсний илэрхийлэл үү, монгол наадмыг үл хүндэтгэдгийн илрэл үү гэдгийг тааж хэлэхэд бэрх байна. Харин өнөө жилийн баяр наадмаар тэрбээр төв цэнгэлдэхэд ирээгүй юм.

В.Баяраа