Ерөнхий сайдын гэр бүлтэй танилцана уу

Өнөөдөр хуралдсан УИХ-ын чуулганы хуралдаанаар Монгол Улсын Ерөнхий сайдад нэр дэвшигч Ж.Эрдэнэбатыг 97.1%-ийн саналаар дэмжлээ. Монгол Улсын 29 дэх Ерөнхий сайд Ж.Эрдэнэбатын гэр бүлтэй танилцацгаая.

Ж.Эрдэнэбатын аав Г.Жаргалтулга нь Мандал сумын Хэрх ЕБС-д захирлаар ажиллаж байжээ. Г.Жаргалтулгыг үндэсний бөхийн аймгийн хурц арслан цолтой бөх байсан гэдгээр нь Сэлэнгийнхэн андахгүй. Улсын гарьд Пунцагийн Сүхбат гарьдын багш байсан гэдэг. Ээжийг нь Л.Пүрэвдулам гэх агаад аав ээж хоёр нь хоёулаа Сэлэнгийн Мандалын харьяат.

Ж.Эрдэнэбатын хувьд аав, ээжээс дөрвүүлээ аж. Ерөнхий сайдын эхнэрийг нь н.Тунгалаг гэдэг бөгөөд тэд гурван хүүхэдтэй. Том охин нь “Мон Турк” дунд сургуульд, дунд охин нь “Хобби” дунд сургуульд, бага хүү нь цэцэрлэгт явдаг.

Ерөнхий сайд Сэлэнгэ аймгийн Мандал сумын уугуул болохоор ч тэр үү газар тариалан, мал аж ахуй, санхүүгийн салбарт бизнес эрхэлдэг. Харин бизнесийг нь эхнэр болон дүү нар нь хариуцдаг гэнэ. 

Баруун гар талаас Ерөнхий сайдын гэргий хатагтай Тунгалаг

Эх сурвалж: Breakingnews.mn