Костюм пүүз хослуулсан шинэ гишүүн

Пүүз өмссөн шинэ гишүүн, жаахан танхай байна уу гэж харагдахгүй байна уу... Сүхбаатар дүүргийн намын даргаар сонгогдсон Д.Цогтбаатар монголын улстөрд хуучин атлаа шинэ хүн.

2012 онд Гадаад хэргийн яамны Төрийн нарийн бичгийн дарга, Баягаль орчин аялал жуулчлалын сайдаар томилогдон ажилласныг санаж буй биз. Энэ талаас нь харвал мань хүн улстөрд шинэ хүн биш болж таарч байгаа юм. Харин 2012 оны сонгуулийн дараа МАН-ын ерөнхий нарийн бичгийн даргын сонгуульд нэр дэвшээд нэрээ татсаныг эс тооцвол Д.Цогтбаатар улстөрийн сонгуульд ганц ч удаа өрсөлдөөгүй, нэр дэвшиж байгаагүй юм. Энэ талаараа Д.Цогтбаатар улстөрд шинэ хүн билээ. Тэрбээр өнөөдөр гишүүнийхээ түр үнэмлэхийг гардахаар ийн төрийн ордон тийш явж байхтай нь тааралдсан юм.

Д.Цогтбаатар өмнө нь юу хийж бүтээсэн, ирэх дөрвөн жилд юу хийж бүтээхийг цаг хугацаа харуулах биз ээ.

Э.Нашка