Жүжигчин Амараагийн гэр бүлийн сар шинийн гангараа

Монголын жүжигчдээс Холливудад анхлан хөл тавьж холын кино урлаг руу жим дагуулсан жүжигчин Б.Амарсайхан сар шинийн баяраар гэр бүлээрээ үндэсний хувцсаараа гоёжээ. Тэрээр саарал монгол дээл, монгол гуталтай хослуулан гангарсан бол түүний үзэсгэлэнт гэргий бага охинтойгоо өнгө ижилсэн гал улаан дээл өмссөн байлаа. Харин том охин хүннү захтай үзмэн ягаан дээлээр гоёсон нь бусдаасаа содон байв.

Сонирхуулахад, жүжигчин Б.Амарсайхан “Үргээлэг-2” киноны гол дүрд тоглож байгаа бөгөөд найруулагч Г.Эрдэнэбилэгийн найруулж буй уг киноны зураг авалт дууссан гэсэн шүү. Удахгүй түүнтэй дэлгэцийн шинэхэн бүтээлээр эргэн уулзах нь ээ.