Бүсгүйчүүдийн “хувьсал”

Улсын драмын эрдмийн театрын жүжигчин У.Уранчимэг, Д.Ганцэцэг, А.Ганчимэг нар “GUG” продакшн байгуулснаа зарлаж, “Зэрлэг цэцэгсийн хүлэмж” хэмээх анхны бүрэн хэмжээний кинондоо тоглож буй. 

Гэхдээ тэд өөрсдийн нэрний товчлол болох “GUG” продакшн байгуулахаа азнаж, бүгд “Хувьсал”-ын жүжигчид болжээ. Тиймээс дээрх кино “Хувьсал” продакшны нэрээр олонд хүрэх аж. “Хувьсал” ч бай, “GUG” ч байсан нэг л дээвэртэй тул үүнд нэг их ялгаа гарахгүй. Учир нь “Хувьсал” продакшны захирал Г.Цоггэрэл жүжигчин У.Уранчимэгийн нөхөр бөгөөд түүнийг үзэсгэлэнт эхнэрийнхээ уран бүтээлийн хамгийн сайн дэмжигч гэдэг. 

Эхнэрийнхээ хүсэл сонирхлыг хүндэтгэж, олон жил театрын жүжигчнээр ажиллуулсан Г.Цоггэрэл одооноос харин продакшныхаа уран бүтээлд шаргуу орох бололтой. Түүний гэргий одооноос нөхрийнхөө продакшнаар овоглох төдийгүй театрын  сор болсон Д.Ганцэцэг, А.Ганчимэг нарыг “Хувьсал”-д урвуулж чадлаа. Энэ бүсгүйчүүд бүгд Драмын театрын гэрээгээ цуцалж, “Хувьсал”-д албан ёсоор иржээ.