МУГЖ Т.Ариунаагийн нөхөр Г.Буяндоржийг эрэн сурвалжилж эхэллээ

“Ноёд” группийн захирал Г.Буяндорж саяхан л Сэлэнгэ аймагт аваргад зориулан наадам хийлээ мэдээлэгдэж байсан ч Нийслэлийн прокурорын газраас түүнийг эрэн сурвалжилж эхэлсэн байна.

Учир нь түүнийг мөрдөн байцаалтын явцад оргон зайлсан буюу ор сураггүй алга болсон хэмээн буруутгаж, ийнхүү орон даяар эрэн сурвалжилж эхэлсэн байна.

Нийслэлийн Прокурорын газраас Г.Буяндоржийг бусадтай бүлэглэн, их хэмжээний мөнгө угаасан гэх хэрэгт сэжиглэн, 2013 оны эхнээс Улсын мөрдөн байцаах газрын Эдийн засгийн гэмт хэрэгтэй тэмцэх газарт шалгаж, улмаар түүнд эрүүгийн хэрэг үүсгэн, хэргийг тус газарт шилжүүлээд байжээ.

“Ноёд” группийн захирал Г.Буяндорж нь МУГЖ Т.Ариунаагийн нөхөр гэдгээр бас сайн мэдэх билээ.