Охиныг нь хүчиндсэн эрийг хөнөөсөн эцэг 6,5 жилээр яллагдлаа

Шүүхийн шийдвэрээр охиныг нь хүчиндсэн эрийн амийг бүрэлгэсэн 41 настай эцэгт 6,5 жилийн ял оноолоо. Тэрээр ялаа чанга дэглэмтэй хорих ангид эдлэх юм байна. 32 настай Сергей Марченког хөнөөсөн хэргийн мөрдлөг бараг жилийн турш үргэлжилсэн.

Түүний цогцосыг 2012 оны наймдугаар сард Моксва хотын өмнөд хэсгийн Муса Жалилийн гудамж дахь нэгэн байрны орцноос олсон юм. Үүнээс хойш ердөө хэдхэн өдрийн дараа мөрдөгчид хэргийн мөрөөр орж, Дотоод яамны ажилтан асан, 40 настай С.Павел болон 21 настай М. Евгений нарыг баривчилсан билээ.

Эрчүүд анхны мэдүүлгээрээ л хэргээ хүлээж, Марченко Павелын охин, Евгенийгийн сүйт бүсгүйг хүчиндсэнийхээ хариуг амиараа төлсөн болохыг хэлжээ. Хүчирхийлэгчийг хөнөөсөн энэхүү хэрэгт “Аллага”, “Буу хадгалсан”, “Хэргийн газраас оргон зайлсан” гэсэн зүйл ангиар буруутгагдсан юм. Эцэст нь тэднийг хүний амь бүрэлгэсэн буруутай хэмээн шүүхээр тогтоож, Павелд чанга дэглэмтэй хориход 6,5 жил, Евгенийд гурван жилийн хорих ял, мөн 20 мянган рублийн мөнгөн торгууль ногдуулах шийдвэр гаргажээ.