Х.Цагаанбаатар, О.Гүндэгмаа нар ихэр хүүхэдтэй болжээ

Х.Цагаанбаатар, О.Гүндэгмаа нар амьдралд ховорхон тохиох Хөдөлмөрийн баатар хосууд. Монголын спортын гэр бүлд чимэг болж яваа хосууд саяхан бүл нэмж, ихэр хүүхэдтэй болжээ. Сүүлийн хэдэн сарын турш АНУ-д амьдарч, шинэ хүнээ угтаж авах бэлтгэлээ базааж байсан О.Гүндэгмаа наадмын өмнөхөн амаржиж, хүү, охин төрүүлсэн байна. Ихрүүд, ээжийн биеийн байдал сайн байгаа бөгөөд тун удахгүй эх орондоо ирэх гэнэ. 

Бээжингийн олимпийн дараа Х.Ховор-Эрдэнэ хэмээх хөөрхөн хүүтэй болсон хосууд ийнхүү Лондонгийн олимпийн дараа ихэр хүүхэдтэй болжээ. Спортод элэгтэй монголчуудын бахархал болсон тамирчин хосууддаа аз жаргал хүсье.