70 орчим насны хоёр иргэн архидан согтуурч, нэгнээ хөнөөжээ

Архидан согтуурсан үедээ гэмт хэрэг үйлдэх явдал тасрахгүй байгаа талаар цагдаагийн байгууллагаас мэдээллээ. Тухайлбал, энэ сарын 21-ний өдөр орон нутгийн цагдаагийн газарт 70 орчим насны 2 иргэн ахуйн хүрээнд архидан согтуурч байх явцдаа нэгнийхээ амь насыг хохироосон гэх дуудлага мэдээлэл цагдаагийн байгууллагад бүртгэгдэн мөрдөн шалгах ажиллагааг явуулж байна.

Энэ мэт нэгхэн хоногийн хугацаанд цагдаагийн байгууллагад баарны гадаа зодуулсан, хамт архи ууж байсан хүндээ хутгалуулсан, согтуу явж байгаад дээрэмдүүлсэн зэрэг олон хүний эрүүл мэнд, амь насанд хохирол учирсан талаарх дуудлага, мэдээлэл бүртгэгддэг аж.

Иймээс та бүхэн согтууруулах ундааны зүйлийг хэтрүүлэн хэрэглэхгүй байж, өөрийн болон бусдын амь нас, эрүүл мэндийг хамгаалахыг зөвлөж байна.