Н.Учрал: Яамд, төрийн захиргааны байгууллагуудад хууль давсан журмуудаа цуцлах шаардлагыг хүргүүлсэн

Засгийн газрын хуралдаанаар Зөвшөөрлийн хууль батлагдсантай холбогдуулан өмнө нь гарсан байсан журмуудыг цуцлах ажил үргэлжилж байгаа. Энэ хүрээнд Засгийн газрын тогтоолоор байгаль орчны салбарын журмыг цуцалж байна. Өнгөрсөн долоо хоногийн хугацаанд нийт 7 яамны 36 журмыг цуцалсан. Үлдсэн яамдууд, төрийн захиргааны байгууллагууд хууль давсан журмуудаа цуцлах шаардлагыг хүргүүлсэн. Зөвшөөрлийн зөвлөлийг өчигдөр хуралдуулсан. Тус зөвлөлөөс хариу арга хэмжээ авахгүй байгаа холбогдох яамдуудад мэргэжлийн шинжээч томилох ажлын хэсэг байгуулах үүнд мэргэжлийн холбоодын төлөөллийг оролцуулах асуудлыг шийдвэрлэсэн. Өнөөдөр байгаль орчны салбарт тусгай зөвшөөрөлд тооцогдож байсан нэг зөвшөөрлийг 7 зөвшөөрөл болгож салгаад 7 ангилсан байсан. Уг журмыг цуцалсан. Мөн зөвшөөрөл гэж нэрлэгдээгүй гэрчилгээ гэх нэртэй зөвшөөрлийн шинж чанарыг агуулсан гэрчилгээг цуцалсан. ХУР системээс 801 мэдээллийг төр иргэнээс шаардахгүй байх боломжийг бүрдүүллээ.