Мэргэшсэн ХУЛГАЙЧ

“Хүрэлбаатар сайд нээрээ хөгийн хүн шүү...” гэх яриаг хаана л бол хаана сонсдог. Дээд, дунд, бүр улныхан ч энэ хүнийг “Молоом чи ҮХВЭЛ таарна” гэдэг шиг харааж байхыг  мөн ч олон сонссон.

Тэгвэл олны үг ортой гэдэг. Хэвлэл мэдээллийнхэн, хэд гурван сэтгүүлч  л түүний  тухай, түүний үнэн төрхийг хэлж байв. Гэсэн ч хүрээлэл нь үнэхээр том түүнийг яаж x чадаагүй, зуугдсаар яваа нь ч бий.

Тэгвэл ХЗДХ-ийн шинэ сайд Б.Энхбаяр  өмнө нь  түүний нүүрэн дээр ил цагаан, шув шулуухан шуудхан хэлж байсан удаатай.

Тэрбээр “439 сая ам.долларын зээл авч төсөв дээр тусгалаа... Энэ хүн сонгогчдоо  авлигалдаж  байж ялж байна. Ямар өндөр үнэтэй, үнэ цэнтэй суудал вэ. 400 сая доллароор 1 хүнийг сайд дарга болгох гэж зээл авдаг. Тэр зээлээ төсөв дээр яаж суулгаж байна гэхээр УИХ-д танилцуулахгүй өөхөнд боочихсон байж байгаа л төсөвт суулгачихдаг... Тэрийгээ юу тайлбарладаг вэ гэхээр “Олон улсын байгууллагуудад зээлээр  хүлээсэн үүрэг. Төлөхгүй бол  Монгол Улс ДЕПОЛТ болно, сүйрнэ, баларна. Тэгэхээр та хэд энийг батлахаас АРГАГҮЙ гэдэг. Ер нь энэ үг бол Сангийн яамны жижүүрийн үг.

Хүрэлбаатар сайд яг ийм байдлаар төсийн хулгай хийгээд мэргэшсэн байгаа. Төсвийн хулгай дээр нь ДАБЛЬ хуулийн хулгай. Ингээд мэргэшсэн хулгай, хулгайч болчхож байгаа юм ш дээ...” гэж нухацтай нь аргагүй хэлж байсан.  Түүний энэ үг гэмтнүүдийн чихэнд, тархинд, зүрхэнд хүрч зарим нь эгдүүцэж Б.Эyхбаяр гишүүний эсрэг хар PR хийж эхэлсэн нь ч бий. 

Б.Энхбаяр гишүүнийг “ПОПОРОГЧ” гэдэг үг магадгүй эндээс улбаатай ч байж мэднэ. Харин энэ бол ПОПРОЛТ биш. “Схемээр мэргэшсэн ХУЛГАЙЧ”-тай хариуцлага тооцъё.

Тэгээд ч энэ схемд ганц нэг хүн биш нэлээд том акулууд ч орооцолдоостой нь мэдээж.  Тиймээс шинэ сайд хэрвээ энэ асуудалд нухацтай хандвал дэмжинэ шүү, бултаараа.