ХАН-УУЛ ДҮҮРГИЙН ЗАСАГ ДАРГА Ж.АЛДАРЖАВХЛАН ХОЁР ДАХЬ ЖИЛДЭЭ "БОЛОВСРОЛД ЭЭЛТЭЙ ЗАСАГ ДАРГА”-ААР ТОДОРЛОО
Нийслэлийн Боловсролын газар жил бүр "Боловсролд ээлтэй Засаг дарга” номинацийг шалгаруулдаг уламжлалтай. Анх 2017 оны "Боловсролд ээлтэй Засаг дарга”-аар ХУД-ийн Засаг дарга Ж.АЛДАРЖАВХЛАН тодорч байсан бол 2023 оны "Боловсролд ээлтэй Засаг дарга”-аар дахин шалгарч, шагнагдлаа.
2022-2023 оны хичээлийн жилд боловсролын салбарт олон талт ажлыг санаачлан, төсөл хөтөлбөрийг үр дүнтэй хэрэгжүүлж, багш, хүүхэд бүрийг хөгжиж сурахад таатай орчин бүрдүүлэн нийслэлийн боловсролын салбарт үнэтэй хувь нэмэр оруулсан "2023 оны Боловсролд ээлтэй Засаг дарга”-аар Хан-Уул дүүргийн Засаг дарга Ж.Алдаржавхлан дахин шалгарч, шагналыг дүүргийн Засаг даргын Тамгын газрын дарга С.Энхбаяр гардан авлаа.
Боловсролын салбарт олон бүтээлч ажлыг санаачлан хэрэгжүүлсэн төсөл хөтөлбөр, бүтээлч ажлыг товч дурдвал Хан-Уул дүүрэгт 2017-2023 онд 21 цэцэрлэг, 11 сургууль ашиглалтад орсон бол 2024 онд 4 сургууль, 12 цэцэрлэг тус тус ашиглалтад орно.
Нисэх, Яармаг, Зайсан зэрэг улсын цэцэрлэг, сургуулийн хүртээмжгүй байршлууд дээр дүүргийн хөрөнгө оруулалтаар нийт 650 хүүхдийн ортой 3 цэцэрлэг энэ жил ашиглалтад орох юм.
Түүнчлэн нийслэлийн дүүргүүдээс анхлан Хан-Уул дүүргийн Засаг даргын Тамгын газрын дэргэд "Эко бүлэг” цэцэрлэг байгуулж, дүүргийн ажилтан албан хаагчдын 200 гаруй хүүхэд тус цэцэрлэгт хамрагдаж байна.
Мөн дүүрэгт үйл ажиллагаа явуулдаг албан байгууллагуудыг уриалж, өнөөдрийн байдлаар Хан-Уул дүүргийн төр, хувийн хэвшлийн 10 гаруй байгууллага "Байгууллагын дэргэд цэцэрлэг" -тэй болж, 500 орчим хүүхэд сургуулийн өмнөх боловсролд хамрагдаж байна.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ерөнхий сайд Н.Учрал Дорнын эдийн засгийн чуулга уулзалтад оролцохоор ОХУ-ын Владивосток хотноо хүрэлцэн ирлээ
"Сурагчдын хичээл эхлэх болон дуусах цагийг өөрчилж, бүсчлэн авто замын хөдөлгөөнийг бууруулна"
Ашиг сонирхлын зөрчилд хамаарах 98 гомдол, мэдээллийг хянан шалгажээ
Үндсэн хуулийн цэцийн дунд суудлын хуралдаан болно
“1072 хувьцаа” нээлттэй өдөрлөг Сүхбаатарын талбайд болно
Иргэний хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл өргөн мэдүүлэв
Цагдаагийн байгууллагын 102 тусгай дугаарт өчигдөр 2316 дуудлага, мэдээлэл бүртгэгджээ
Сэтгэгдэл бичигдээгүй байна