Өмнөговь аймгийн Засаг дарга Р.Сэддорж ахмадуудаа хүлээн авч, хүндэтгэл үзүүллээ

Улс эх орондоо хийж бүтээсэн гавьяатай, үр ачаа өсгөн өрх гэртээ хүндлэгдсэн азай буурал, ахмад настангуудын баярыг тохиолдуулан аймгийн Засаг дарга Р.Сэддорж өнөөдөр ахмадуудаа хүлээн авч аймгийн ХЖТ-т уулзалт хийлээ. Өмнөговь аймгийг хөгжүүлэх "Нутгийн хишиг" хөтөлбөрийн хүрээнд хийж хэрэгжүүлсэн ажлаа танилцуулж, зарим ахмадуудад аймаг орон нутгийн шагнал гардууллаа.
Уулзалтын дараагаар урлаг соёлын мастерууд ая дуугаа өргөн барьж, ахмад буурлуудын сонорыг мялаан, сэтгэлийг баясгалаа.
Нэгэн дор хуран цугларсан ахмадууд хууч хөөрч, аймгийнхаа хөгжил дэвшлийг харж сонсон, дуутай хууртай, шагналтай, баяр хөөртэй нэгэн сайхан өдрийг хамтдаа өнгөрүүллээ.
Аймгийн Засаг дарга, хүрэлцэн ирсэн бүх ахмадууддаа гарын бэлэг өгч, эрүүл энх сайн сайхныг хүслээ.