Буцаагдаж буй автобуснуудыг хаагуур, яаж оруулж ирсэн бэ

Автобусны асуудал аяндаа мартагдах  төлөвтэй болж буй ч албаар мартуулах  арга хэрэглэж байна гэдэг нь ч мэдрэгдээд эхэллээ. Гэхдээ энэ асуудал их дээрээс, бас аль эртнээс төлөвлөгдсөн гэдэг нь алхам тутамдаа мэдрэгдэж байна.

Анх “Улсын нууцад хамаарна” гэх гуравхан үгнээс  босч өндөр авч, үнэнтэй нүүр тулсан энэ асуудлыг хэд хэчнээн асуудал, өнцгөөс нь хөөж хөвөрдөж болно.  

Хамгийн эхнийх нь энэ автобуснуудыг хаагуур, яаж оруулж ирсэн бэ” гэх асуудал. Мэдээж  хэн ч хилээр гаалиар л биз дээ...” гэх нь тодорхой. Тэгвэл яг энэ автобуснууд Хятад улсын нутаг дэвсгэрээр явах хориотой. Яагаад гэвэл Хятад улс өнөөдөр бараг дэлхийд ганцаархнаа “ЕВРО-6” стандартыг ашиглаж байгаа. Тэр тусмаа нийтийн тээвэртээ.

Нөгөөтэйгүүр өөрийн улсын нутаг дэвсгэрээр “ЕВРО-5”-аас доош стандартын автобус явуулахыг хуулиараа хориглосон. Зөрчиж гэмээнэ хатуу ялтай. Хэрэв Хятад улсын иргэн “Ногоон автобус”-ны хэрэгт орооцолдсон бол шууд цаазлуулах ялтай гэсэн үг.  

Тэгэхээр энэ автобуснуудыг яаж Монголын хил рүү гаргаж ирсэн бэ...?” гэх асуулт урган гарах нь тодорхой.

Тэгвэл “Ногоон автобус”-нуудыг машинд ачиж Хятадын хилээр гаргаж ирж. Ингэхдээ бүр Гаалийн терминалаар гаргасан гэдгийг эх сурвалжууд хэлж буй юм. Гэхдээ дөрвийн дөрвөн терминалд хуваарилдаг байхад Гаалийн терминалаар гарч ирсэн нь ч бас анхаарал татаж эхэлсэн. Ингээд хөөгөөд үзвэл гаалийн терминал нь Сангийн яамтай холбогддог. Энэ терминал ямагт давуу эрхтэй гэдгийг хил орчмын бүс нутгийн ард иргэдийн хэн нь хэлээд өгнө.  

Товчхондоо бол  буцагдах “Ногоон автобус”-нууд “ЕВРО-5” биш “ЕВРО-4” ч биш бас “ЕВРО-3” ч биш. Харин “ЕВРО-2”.  Худлаа гэвэл Солонгосын 20 жилийн өмнө гарч байсан киноноос яг ийм автобуснуудыг харж болно.

Авлигачдын “ЕВРО-5”  гэсэн бичиг наагаад оруулж ирсэн “ЕВРО-2” буюу "Ногоон автобус"-нуудыг энэ удаа Гаалийн терминалар оруулж ирсэн, үүнд Гааль, Сангийн яамныхан оролцоотой гболоод явчихлаа. Харин дараа нь...

Үргэлжлэл бий...