УЛААНБААТАР ТҮНШЛЭЛ 2023 ОЛОН УЛСЫН ҮЗЭСГЭЛЭН НЭЭЛТЭЭ ХИЙЛЭЭ

Moderator

2023/09/29

Нийслэлийн Засаг даргын Тамгын газар, Нийслэлийн Бизнес инновац хөгжлийн газар, Монголын Үндэсний худалдаа аж үйлдвэрийн танхим хамтран 48 дахь жилдээ зохион байгуулж байгаа “Улаанбаатар түншлэл-2023” олон улсын үзэсгэлэн 2023 оны 09 дүгээр сарын 28-ны өдөр нээлтээ хийлээ.
Үзэсгэлэнд Оросын Холбооны Улс, Бүгд Найрамдах Хятад Ард Улс, Бүгд Найрамдах Беларус Улсаас хөдөө аж ахуй, хүнс, барилга, эрүүл мэнд, хөнгөн үйлдвэрлэлийн 60 гаруй аж ахуй нэгж бүтээгдэхүүн үйлчилгээгээ Монголын хэрэглэгчдэд танилцуулахаас гадна үндэсний үйлдвэрлэлийн 30 гаруй аж ахуйн нэгж оролцож байна.
Үзэсгэлэнгийн үеэр Монгол Орос, Монгол-Беларусь, Монгол-Хятад бизнес уулзалтууд болох бөгөөд үйлдвэрлэгчид, бизнес эрхлэгчид зах зээлээ өргөжүүлэх, өрсөлдөх чадвараа нэмэгдүүлэх, түншлэлийг бий болгох, хэрэглэгчийн эрэлтэд тулгуурласан оновчтой, экспортын шинэ бүтээгдэхүүний үйлдвэрлэл, үйлчилгээг нэмэгдүүлэх боломжийг бүрдүүлэхээр ажиллаж байна.

Үзэсгэлэн 2023 оны 10 дугаар сарын 01-ний өдрийг дуустал 09:00-19:00 цагийн хооронд "Мишээл экспо" төвд зохион байгуулагдана.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ