​ “Уяа”-ны хүн үү, бодлогын удирдагч уу гэдгийг харъя

АН-ын дэргэдэх Ардчилсан Эмэгтэйчүүдийн Холбоо /АЭХ/-ны ээлжит ерөнхийлөгчийг сонгох 21 аймаг, 9 дүүргийн 800 гаруй төлөөллийг хамарсан дээд чуулган өнөөдөр болно.

АЭХ-ны ерөнхийлөгч болохоор долоон хүн нэр дэвшин, өрсөлдөж байгаа. Тухайлбал, УИХ-ын гишүүн А.Адъяасүрэн, АН-ын ҮБХ-ны гишүүн Б.Жаргалан, "М-Ойл" группийн захирал Б.Пунсалмаа, Ашигт малтмалын газрын дарга асан Д.Үүрийнтуяа, ҮБХ-ны гишүүн Д.Эрдэнэсувд, АН-ын гишүүн Ц.Уянга, АН-ын гишүүн Н.Одонгуа нар.

Нэр дэвшинэ хэмээж байсан Д.Энхтуяа, Г.Хажидмаа нар “дээд” чуулганы 60 сая төгрөгөө тушаагаагүй учраас хасагдсан.

Одоогоор нэр дэвшигчээр үлдсэн хүмүүсийн ард АН-ын томчуудын хэн нэгэн байгаа хэмээн олон нийтийн хувьд “уяаны” хүн хэмээж буй.

УИХ-ын сонгуулийн өмнө жил зохион байгуулагдаж байгаа бөгөөд АЭХ-ны ерөнхийлөгч УИХ-ын сонгуульд жагсаалтаар нэр дэвших учраас долоон бүсгүйн хувьд ч цаашдын амбиц мэт болов ч нөгөө талдаа АН-ын нэр хүнд хэр явах суурийг тавилцах нь тодорхой.

Түүнчлэн зарим эх сурвалжуудын мэдээлж буйгаар энэ сонгууль мөн л дүр эсгэсэн үйл явдал гэх болжээ.

Учир нь нэр дэвшигч Б.Жаргалан нь АЭХ-н дэд ерөнхийлөгч бөгөөд дүрмээрээ дахин дахин нэр дэвших боломжгүй гэх. Түүнчлэн АЭХ нь Эмэгтэй манлайлагчдыг бэлтгэх 30300 төсөл хэрэгжүүлж байсан бөгөөд тус хөтөлбөрт хамрагдсан гишүүд өнөөдрийн дээд чуулганд саналын эрхтэй оролцож 800 гишүүн гэнэ.

Хэрвээ тийм бол өнөөдрийн АЭХ-ны ерөнхийлөгч нь Б.Жаргаланг сонгох хайрцагт хэдийнэ орчихсон гэсэн үг.

Юутай АН-ын эмэгтэйчүүд лидер сонгох уу, хэн нэгний уяаны хүнийг “өргөх” нь үү гэдгийг харж л байя даа.