Ү.Ганболд даргын ашиг сонирхол эмнэлгийн даргын албан тушаал уу!!!

Улирал солигдох, хичээл, сургууль эхэлсэн энэ үеэс эмнэлгүүдийн ачаалал нэмэгддэг. Гэтэл албан тушаалтнуудын ашиг сонирхлын зөрчлөөс болж нийслэлд л гэхэд хоёр ч дүүргийн Эрүүл мэндийн төв удирдлагагүй байсаар удаж байна. 

Тухайлбал, хамгийн их ачаалалтай гэгддэг Баянзүрх, Чингэлтэй дүүргийн Эрүүл мэндийн төв. 
Тэдгээрийн удирдлага, дарга нарыг сонгон шалгаруулалтын дагуу томилдог. Тэгэхээр тодорхой шалгуур давсан үзүүлэлттэй, мэргэжлийн, туршлагатай, чадварлаг боловсон хүчин, эмч байх ёстой гэсэн үг. 
Харамсалтай нь Нийслэл дэх салбар зөвлөлийн дарга Ү.Ганболд бөгөөд мань нөхрийн балгаар со  нгон шалгаруулалтад тэнцэхгүй нөхдийг дээрх Эрүүл мэндийн төвүүдэд томилохоор улайрч байгаа аж. 
Арга ядахдаа Төрийн албаны зөвлөлөөс Нийслэл дэх Төрийн албаны зөвлөлд албан бичиг хүртэл илгээжээ. 
Түүнд нь Эрүүл мэндийн төвүүдийн удирдах албан тушаалтан болгох гээд байгаа И.Батзаяа, Х.Чинзориг нар чинь Төрийн албаны шаардлага хангахгүй байсныг нь анхааруулж, Төрийн албаны шалгалт өгөх болзол болон шатлан дэвшүүлэх, сонгон шалгаруулах журмын тодорхой заалтуудыг зөрчсөн гэдгийг ч дурдсан байна. Тиймээс тухайн сонгон шалгаруулалтад тэнцсэн хүмүүсээс онооны дарааллаар дараагийн оролцогчдыг нэр дэвшүүл гэсэн байна

Гэсэн ч түүнээс хойш бүтэн долоо хоноход Нийслэл дэх Төрийн албаны салбар зөвлөл үзээгүй, хараагүй, сонсоогүй мэт чимээгүй байгаа юм. 
Уг нь эрх баригчид, Төрийн алба тогтвортой меррит зарчмаар явна, чадварлаг боловсон хүчин сонгон шалгаруулалтад тэнцэж байвал албан тушаал ахихад асуудалгүй гэхчлэн ярьдаг. Харамсалтай нь энэ нь зүгээр л олон нийтийн өмнө үзүүлж буй жүжигчилсэн тоглолт гэлтэй байгаа нь дээрх сонгон шалгаруулалтд журмын дагуу явагдаагүй гэдгээс бэлхнээ харагдана. 
Тодруулбал, Төрийн албаны зөвлөл нь хууль, дүрэм, журмынхаа дагуу ажиллахыг хүсээд ч дунд шатныхан, салбар зөвлөлийн дарга нар өөрсдийн хүссэн хүнээ төрийн албанд томилохоор улайрч байгаа нь энэ. 
Энгийнээр албан тушаалын төлөө “хурган” дарга нар тулалдаж буй мэт харагдавч үүний цаана эрүүл мэндийн салбар ид ачааллын үеэр дарга, удирдлагагүй “дэнтэй, дунтай” л ажилласан нэр зүүгээд байгаа юм биш үү.