​ Ж.Ганбаатар сайд аа, агуулахын засвар биш хориг шүү дээ

ОХУ дотоодын зах зээлээ тогтворжуулах үүднээс бензин, дизель түлшний экспортоо түр хугацаагаар хориглохоор болсон. Энэ тухай мэдээлэл түгмэгц монголчууд нийтээр шахам шөнөжин ШТС-ын гадна дугаарлалаа.

Одоогоор ОХУ-ын тухайн шийдвэр манай улсын импортод нөлөөлөхгүй гэх мэдээлэл байгаа ч үнэндээ Евроазийн эдийн засгийн холбооны гишүүн орнууд болох Беларусь, Казахстан, Армен, Киргизэд засгийн газар хоорондын хэлэлцээрийн дагуу нийлүүлж буй шатахуун үүнд хамаарахгүй гэсэн байна.

Үнэндээ “хойд айл”-ын ааш, аягаас болж монголчууд жил бүр шатахууны хомстолд ордог.

Өнгөрсөн жилийн тухайд УУХҮ-ийн сайд Ж.Ганбаатар шатахууны хомстолыг “Жил бүр хийгддэг засварын ажлын улмаас хэд хоног хойшилсон” гэж ам таглаж байсан.

Тэгвэл энэ удаа хэрхэх вэ. Та ч яах вэ, арьсаа хамгаалаад мэдээлэл хийгээд өнгөрнө. Монголчууд харин нийтээрээ ШТС-ын гадна хоносоор байх уу.

Шатахуун, авто бензин гэдэг чинь таны хийдэг чихрийн бизнесээс өөр гэдгийг та мэднэ биз дээ.