Нийслэлийн 23 дугаар сургуулийн ариун цэврийн өрөөнд камер байршуулсан хэргийг шалгаж байна

Цагдаагийн байгууллагад өнөөдөр буюу есдүгээр сарын 21-ний өдөр Нийслэлийн ерөнхий боловсролын 23 дугаар сургуулийн хүүхдийн ариун цэврийн өрөөнд “Хяналтын камер байршуулсан байна” гэх мэдээлэл бүртгэгджээ. Тус дүүргийн цагдаагийн газраас шалгалтын ажиллагааг эхлүүлсэн байна

Цагдаагийн байгууллагад 2023 оны эхний найман сарын байдлаар Зөрчлийн тухай хуулийн 6.22 дугаар зүйлд заасан 11 зөрчил, Эрүүгийн хуулийн 13.8 дугаар зүйлд заасан хэрэг гурав бүртгэгдсэн байна.

 Хуулийн тайлбар: “Хувь хүний халдашгүй, чөлөөтэй байх эрхэд илтэд халдахаар байршил” гэж ариун цэврийн өрөө, хувцас солих өрөө, нийтийн үйлчилгээний газрын тусгай зориулалтын үйлчилгээний өрөө, караокены өрөө, зочид буудлын өрөө, эрүүл мэндийн тусламж, үйлчилгээг үзүүлэх хэвтүүлэн эмчлэх өрөө зэргийг ойлгоно.