Төр төмөр нүүрээ харуулах л болно

“Монгол жижигхэн ш дээ, усан парк яагаад баригдаагүй шалтгаан нь Ж.Батбаясгалан. Тэр хотын даргын үүргийг орлон гүйцэтгэж байхдаа газрын зөвшөөрөл гараад сар болж байхад л эрхийг маань цуцалчихсан... Энэ газар олон хүний арааны шүлсийг гоожуулж байгаа...” гэх аястай ярьж хэвлэлийн хурал хийсэн А.Амарбаясгалан гэгч залуугийн үгэнд нийгэм бараг л 2, 3 хуваагдах дөхөж  нэг хэсэг нь “Хотынхон ямар муухай хүмүүс вэ... газрыг нь булаах гээд л барилгыг нь бариулахгүй байсан байна” гэсэн бол нөгөө  хэсэг нь Хотын даргын захирамж гараагүй гэж байна ш дээ. Хотын даргыг буруутгах гэж мачийж байна даа...” гэх зэргээр маргацгаав.
Оноосон нэрнээсээ эхлээд орооцолдсон бүх хүн хариуцлага хүлээх нь тодорхой бөгөөд энэ талаар нийгэмд ил тод мэдээлэхгүй бол ёстой гал дээр шар тос нэмэхтэй адил зүйл болно. Тиймээс  "Учир нь олдож хужир нь тунгаагдах нь лавтай.
Хууль шүүхийн байгууллагаар орсон хэргийн учир начир тайлагдах нь тодорхой бөгөөд хоёр хоногийн дараа тус хэргийг дахин хянан хэлэлцэнэ гэж байгаа.

Харин чоно борооноор гэгчээр  УИХ-ын гишүүн Ж.Ганбаатар Богдын музейн урд талын Оргил худалдааны төвтэй залгаа байршил буюу улиас, хайлааснаас эхлээд чацаргана, мойл зэрэг 10 гаруй төрлийн мод, бут бүхий 11.800 мкв хэмжээтэй цэцэрлэг байсныг устгачхаад байгаа.

Амьтай амьтны амь тасалсан тэрбээр суурин дээр нь 25 давхар, 8 блок орон сууцны хороолол барих гэээд ажлаа эхэлчихсэн.

Мэдээж тэрбээр  “ЗӨВШӨӨРӨЛ”-тэй гэж том дуугарах ч “Эзэмших эрхийн гэрчилгээ”-тэй болохоос орон сууцны хороолол барих эрхгүй гэдгийг эх сурвалжууд хэлээд байгаа.

Эдгээрийг өгүүлэхийн учир нь “Газрын гэрчилгээ” дураараа, том артай нөхдийн ааш аяг, шуналаар өнгө зүсээ хэрхэн хувиргадгийг хэлж буй хэрэг.

Товчхондоо бол усан парк барихгүй 4 блок орон сууц барьж буйтай Оргилын гэх тодотголтой Ж.Ганбаатарын энэ үйлдэл ижилхэн тул ард иргэдийн зүгээс эдгээр асуудалд хэрхэн хандахыг хүлээж, харж байгаа гэсэн үг юм.

Эх сурвалж: https://erennews.mn/