Наадмаар 100 сая төгрөг тараасан “доллар” Мөнхөө гэж хэн бэ

Баяр наадмын дараахан олны анхаарлыг татсан нэг сенсаци гарсан нь наадмын үзүүр, түрүүний бөхөд 5000-10000 ам.доллар бэлнээр гардуулсан явдал байв. Том том пайз гардуулдаг ч бодитоор өгдөг эсэхэд хэн хүнгүй эргэлздэг. Тэгвэл шагналаа тэр дор нь, бэлэн ам.доллараар өгсөн “Азуре Коал Монгол Майнинг” /Azure coal Mongolia mining/ компанийн цаад эзэн нь “доллар” Мөнхөө буюу С.Мөнхбат байж.

Үүгээр зогсохгүй хурдан морины уралдааны зургаан насны морьдын Айргийн таван морины унаач хүүхдүүдийг тус бүр нэг сая /1.000.000/ төгрөгөөр урамшуулжээ. Өөрөөр хэлбэл энэ баяр наадмаар амжилт үзүүлсэн бөхчүүд болон унаач хүүхдүүдэд нийт 100 орчим сая төгрөгийг гардуулан өгчээ.

Тэрбээр өмнө нь “Түмний байр” төслийг санаачлан эхлүүлж хоёр ч хүнийг орон байртай болгосон. Байр орон сууцтай болохыг хүсээд ч орлогоо нотолж чаддаггүй, банкны шалгуурт тэнцдэггүй хүмүүсийг орон гэртэй болох боломжийг олгох зорилготой “Түмний байр” төсөл маш олон хүний талархлыг хүлээж байв.

Өөрсдөө баяжиж байвал бусад нь хамаагүй гэж хямсаганадаг хөрөнгөтнүүдтэй адилгүй, харин ч хөрөнгө чинээ нь өсөхийн хирээр бусдад боломж олгож, нийгмийн хариуцлагыг нэн тэргүүнд хүлээж явдаг “доллар” Мөнхөөд олон хүн ам сайтай явдаг юм билээ.

20 гаруй настайгаасаа эхлэн уул, уурхайн салбарт хүч үзэж өдгөө “томчуудын” тоонд орохуйц хөрөнгөтэй, нөлөө бүхий нэгэн болсон тэрбээр “Азуре коал Монгол майнинг” /Azurе coal Mongolia mining/ компанийг үүсгэн байгуулсан. Дорноговь аймагт нүүрсний томоохон ордын лиценз эзэмшдэг. Үүгээр зогсохгүй тэрбээр Английн Wonderful power mining компанийн хувьцаа эзэмшигч нэгэн.

Нэг хэсэг Асгатын мөнгөний ордыг худалдаж авахаар тохироо хийж байгаа гэх шум олон нийтийг гайхшруулж, хэвлэл, цахим орчинд шуугиан дэгдээгээд амжсан. Стратегийн ордыг ч өөрийн болгох нь цаг хугацааны л асуудал бололтой.