П.Анужин гишүүнээ, ард иргэдээ ялгаварлан гадуурхахаас өөр хийх ажил алга уу

Нийгмийн даатгалын тухай хууль ямагт олны анхаарлын төвд байсаар ирсэн. ОДоо ч бас  ард иргэдээ мөн л ялгаварлан гадуурхасан хуулийн төсөл явж буй бөгөөд бараг энэ чигээрээ батлагдах  ч биз.

УИХ-ын гишүүн П.Анужингийн ярьж буйгаар бол дараалсан 5 жилийн дунджаар тэтгэвэр тогтоох заалтыг хуулийн төсөлд оруулахдаа төлөх дээд хязгаарыг нь тогтоосон юм байх. Мөн сайн дураараа даатгуулагч нь хөдөлмөрийн хөлсний доод хэмжээг 7 дахин өсгөсөн байдлаар шимтгэл төлнө гэж байгаа. Тэгвэл хөдөлмөрийн  хөлсний доод хэмжээ 520.000 төгрөг. Үнийг 7 дахин нэмэгдүүлнэ гэхээр 3,640.000 төгрөг. Үүнээс нийгмийн даатгалын шимтгэл төлнө  гэхээр дор хаяж  430 орчим мянган төгрөг төчөх болжхоод байгаа юм.

Харин малчид НДШ-ээ хөдөлмөрийн хөлсний доод хэмжээгээр төлбөл улсаас 50 хувийг нь хөнгөлж өгөх юм гэнэ.

Манай улс 223 мянган малчинтай. Тэдний НДШ-ийн 50 хувийг төлнө гэхээр тодорхой хэмжээний мөнгө гарах нь ойлгомжтой.

Эрхэм гишүүний хэлж буйгаар  аавын хүүг алаг үзэж буй хэлбэр буюу  хувиараа НДШ төлөх иргэд хойд эцэг эхийн гар харж байгаатай агаар нэг үйлдэл.

НДШ-ийн нөхөн төлөлтийг өмнө нь мөн л малчдад давуу байдалтайгаар олгож байсан. Тодруулбал малчин Доржийнх насанд хүрсэн 4 хүүхэдтэй.  Ээж аавтайгаа 6-уул амьдардаг. Тэднийх Малын хөлийн татвар  төлдөг. Тэр нь тухайн өрхийн насанд хүрсэн 6 гишүүнд 6-ууланд нь ашигтай буюу тэрхүү татвар төлсөн баримтаар тухай өрхийнхөн НДШ-ийн нөхөн төлөлтөд  бүгдээрээ хамрагдаж байв.

Жилийн 4 улиралд гадаа гандаж, хөдөө хөхөрдөг нь үнэн ч  улс эх орны тусын тулд бус амин хувийнхаа тулд л хөдөлмөрлөж байгаа нөхөд бол малчид.

Тийм байтал малчдын НДШ-ийн 50 хувийг улсаас хөдөлмөрийн хөлсний доод хэмжээгээр тооцон 50 хувийг нь төлж өгнө гэж байгаа хэрнээ. НДС-нд  хуримтлал үүсгэхэд тодорхой хувь нэмрээ оруулж байгаа жирийн иргэн яагаад хөдөлмөрийн холсний доод хэмжээг 7 дахин өсгөсөн байдлаар НДШ төлнө гэж.

Ард иргэдээ ялгаварлан гадуурахсан ийм хуулийг хууль батлагсад тун удахгүй гаргах нь.

Товчхондоо бол малчдын толгойг ийнхүү их нь илж байгаа  учраас махны үнэ нэмэгдэж байгаа гэхэд нэг хэтийдсэн болохгүй гэдгийг хаа хаанаа мэдэж буй.