Н.Удаанжаргалын мэдээлэгч нь Т.Сайнжаргал биш гэж үү

Нүүрсний хэрэгт яллагдагчаар татагдсан ч гаднын орнуудад хэсүүчилсээр яваа “Эрдэнэс Тавантолгой төмөр зам” компанийн гүйцэтгэх захирал асан Н.Удаанжаргалд Монголыг тойрч, байгаа газар, орноо сэлгэхэд тусалдаг хүн байгаа аж.

Тодруулбал, Н.Удаанжаргал анх 2022 оны 11 дүгээр сард БНСУ-ыг зорьж, цаашлаад АНУ-д очсон байдаг.
Харин сүүлд “Шувуу” ажиллагааны хүрээнд Т.Удаанжаргалыг Аргентинд байгааг тогтоосон ч өнөөх нь “дэргэж, үргээд” Тайланд, тэндээсээ автомашинаар Малайзыг зорьсон гэх мэдээлэл бий.

Н.Удаанжаргал Монголд ирвэл нүүрсний хэргийн олон учгийг задлах учиртай. Тиймээс мань хүнийг ирүүлэхгүйн тулд Монголоос мэдээлэл дамжуулагч эх сурвалжийг олж тогтоохоор хуулийн байгууллагынхан ажиллаж байгаа аж.

Тэдгээрт хамгийн түрүүнд “олзлогдсон” хүн нь “Зүүнбаян төмөр зам”-ын ерөнхий удирдлагын газрын дарга Т.Сайнжаргал.
Тэд МАН-ын залуучуудын байгууллагаас эртнээс холбоотой нөхөд. Харин сүүлд хоёул төрийн өмчит төмөр замын компаниудад гүйцэтгэх болон дэд захирал болсон.
Н.Удаанжаргал тухайн үед албан ажлаар яваа гэх тайлбарыг цахим хуудсаараа өгч байсан ч тэр чигээрээ бултчихсан.
Харин энд үлдсэн хамтрагч Т.Сайнжаргал нь мань “уснаас хуурай гарах”-ыг хичээх мэт Н.Удаанжаргалыг бараг л танихгүй хэмээн ярьсан удаатай.

Гэхдээ тэд ойрын хамаарлаараа дамжуулан мөнгө угаасан байж болзошгүй. Тодруулбал, манай сайт өмнө нь мэдээлж байснаар Т.Сайнжаргалын эзэмшлийн “Ширхэнцэг хараа” ХХК нь 2020 оны 5 дугаар сард Зэвсэгт хүчний бүтээн байгуулалтын газартай 1 сарын хугацаатай, 2.4 тэрбум төгрөгийн гэрээ хийснийгээ “НУУЦ”-ын зэрэгт хамааруулчихсан байдаг.

Тэрхүү гэрээнд гарын үсэг зурж баталгаажуулсан нь хүн Зэвсэгт хүчний жанжин штабын Бүтээн байгуулалтын газрын дарга Д.Жаргалсайхан.

“Ширхэнцэг хараа” ХХК нь төмөр замын бүтээцийн ажилд оролцох байтугай ширхэг хүрзгүй компани гэдгийг олон хүн мэднэ. Гэтэл Д.Жаргалсайхан 2.4 тэрбум төгрөгийн гэрээг үзэглээд Т.Сайнжаргалд өгчихсөн. /гэрээг саяхан нууцаас гаргасан/
Одоо өнөөх гэрээний үүргийг биелүүлэхээр туслан гүйцэтгэгчээр ажилласан компани нь Т.Сайнжаргалаас ажлын хөлсөө авч чадахгүй шүүхэд өгчихсөн яваа.

Харин Т.Сайнжаргалын “Ширхэнцэг хараа”-д гэрээ өгсөн Д.Жаргалсайхан нь Ерөнхийлөгч асан Х.Баттулгын хүн. Өмнө нь Баянхонгор аймгийн Засаг даргаар ажиллаж байсан. Н.Удаанжаргалтай хамт 2021 оны зургаадугаар сард Х.Баттулга Ерөнхийлөгчөөс Хөдөлмөрийн баатар цол хүртэж явсан нөхөр.

Ингээд харахад, Д.Жаргалсайхан, Н.Удаанжаргал нар нэг “толгойлогч”-той. Н.Удаанжаргал найз Т.Сайнжаргалд, Д.Жаргалсайхан нарыгаа 2.4 тэрбумын гэрээ хийхэд нөлөөлсөн гэх өнцөг гарч ирнэ.
Тийм ч ураас хуулийнхны хувьд ажлыг нь удаашруулж буй Т.Сайнжаргал тэргүүтэй Н.Удаанжаргалтай хамаарал бүхий хүмүүсийг хянаж эхэлжээ.