ТОМ КРУЗ ЭХНЭРЭЭ СЭЭ САЛААД ЗҮВ ЗҮГЭЭР ГЭНЭЭ

Холливудын алдарт жүжигчин Том Крузийн хувьд сүүлийн хэдэн долоо хоног зав зайгүй, нэлээд үйл явдлууд давхацан өнгөрлөө. Гэнэт шийдээд эхнэрээсээ салчихлаа, хамгийн сүүлд тоглосон “Oblivion” киноныхоо зураг авалтыг ч дуусгалаа.   

Тэрээр энэ амралтын өдөр Малибу дах Тони Тавернд өдрийн хоол идээд сүмд очихоор явахдаа папарациудын дуранд өртжээ. Ингэхдээ папарациудыг хараад “би зүв зүгээрээ” хэмээн чангаар инээмсэглэн хэлжээ. Холливудынхан гэж сонин хүмүүс юм. “Гавьяа байгуулсан юм шиг” охиноо өнчрүүлж, эхнэрээсээ салчихаад харин ч бүр баяртай гэмээр алхална. 

Өнөөдөр 50 настай ч наснаасаа залуу харагдах тэрээр урт ханцутай цагаан цамцыг жинсэн өмдтэй хослуулж, теннисний пүүз өмсчээ. Том Круз эхнэрээсээ салснаас хойш сүмд очиж, сэтгэл зүйн тайтгарал олж авч байгаа юм байна. 

Кейти Холмс зургаан настай Сури охиноо өөр дээрээ авч үлдэн Том тэдэнд халамжийн мөнгө төлж байгаа бөгөөд эцгийн эрхийн дагуу охинтойгоо уулзаж байгаа. Тэр одоогоор Нью-Йоркийн ойролцоох газар, охиноосоо холгүйхэн амьдрах шинэ байр хайж явна.