Удам залгах хүүгээ урагш гишгүүлж буй МУГЖ О.Бат-Өлзий

МУГЖ О.Бат-Өлзийгийн аав болох Монгол Улсын гавьяат жүжигчин  У.Осор билээ. “Тунгалаг тамир” киноны Даржаа баатар, “Ичээнд нь” киноны Тоодгор, “Моторын дуу” киноны Найдангаас эхлээд “Ардын элч”, “Сэрэлт”, “Төгсгөл”, “Хүргэн хүү”, “Талын цуурай”, “Нөмрөг хадны цуурай”, “Манай аялгуу”, “Хүний мөр”, “Их замын эхэнд”, “Бушхүүгийн үлгэр” зэрэг зуу гаруй кино, жүжигт дүрээ мөнхөлсөн нэгэн. Гавьяатын хүү гавяьат Бат-Өлзий удам дамжсан энэхүү урлагийн сайхан мэргэжлээр хүү Б.Тамираа залуу наснаас нь  ихэд дэмжиж ажилласан гэдэг. Тиймдээ ч өдгөө хүү Тамир нь чамлахааргүй амжилттай яваа юм. Ийн гурван үеэрээ, гэр бүлээр урлагт тэр тусмаа дэлгэцийн бүтээлд хүч үзэж байгаа тэрээр энэ жил хүү Тамирынхаа хамт шилдэг найруулагчийн шагналын эзэн болсон юм.