Дэлхийд данстай буурал эрдэмтэн

 Дэлхийн урлаг соёлын академийн байнгын гишүүн, утга зохиолын доктор, бичгийн сод туурвигч Дамдинсүрэнгийн Урианхай нь Монголын нэрт соён гэгээрүүлэгч, зохиолч, яруу найрагч хүн билээ. Тэрээр өнгөрсөн онд “Эдүгээ цагийн Азийн тэргүүн найрагч” хэмээх эрхэм хүндтэй шагналын анхны эзнээр тодорчээ. БНСУ-ын Сөүл хотод төвтэй Азийн соёлын сангаас энэхүү шагналыг санаачилсан бөгөөд Азид тэргүүлэх яруу найрагтай гэж үзсэн Хятад, Япон, Монгол, Иран гэсэн дөрвөн орны найрагчдаас тус бүр нэг хүнийг сонгон өрсөлдүүлсэн байна. Ийн шилдэгүүдийн шилдэг болсон Д.Урианхай гэх буурал эрдэмтэн маань саяхан манай папарацци дуранд өртсөн юм. Өдгөө түүнээс үг сонсох, бичгийн эрдэмээс нь суралцах хүсэлтэй шавь нар олон байдаг юм билээ.