Роберт Паттинсон хууртагдсандаа харамсаж байна

Түүний бүсгүй –Би чамд хайртай, надад маш харамсалтай байна хэмээн уучлалт гуйсан талаар хэвлэлүүд бичиж байна. Холливуд даяар багагүй дуулиан шуугиан дэгдээгээд байгаа Кристен СТЮАРТЫН найруулагч эртэй үнсэлцэж байгаа зураг олон нийтэд ил болоод байгаа билээ. Тэр эр нь “Цасан гуа ба анчин” хэмээх киноны найруулагч Руперт САНДЕРС юм. Эхнэртэй, хоёр хүүхдийн эцэг. Түүний эхнэр болох модель Либерти РОСС нь ч уг кинонд хатан хаан Элеонорын дүрд тоглосон. Тэгвэл уг скандалынхаа төлөө Кристен олон нийтээс уучлалт гуйгаад байсан. 

Харин өнгөрсөн мягмар гарагт Кристенийг Роберт Паттинсоны гэрээс усан нүдэлсэн байдалтай гарч явахад папарацциуд зургийг нь авчээ. Маргааш нь тэрээр People сэтгүүлд өгсөнг ярилцлагандаа: -Би их харамсаж байна. Ойр дотны хайртай хүмүүсээ гомдоолоо. Нэгхэн хоромын тэнэг үйлдэл минь бүхий л амьдралдаа хайрлах хүнийг минь гомдоочлоо. Би Робд хайртай. Надад харамсалтай байна хэмээн ярьжээ.