Загас усандаа, Р.Амаржаргал гэргийтэйгээ хамт байхдаа жаргалтай

Р.Амаржаргалыг Монгол Улсын Ерөнхий Сайд, Гадаад Хэргийн Сайд, Улсын Их Хурлын Гишүүн зэрэг төрийн өндөр дээд албан тушаалуудыг хашиж явсан туршлагатай улс төрч гэдгээр нь мэднэ. Үүнээс гадна Монголын хамгийн анхны блогуудын нэгийг нээж өнөөг хүртэл тэмдэглэлүүдээ идэвхтэй бичсээр байгаа, санхүү эдийн засгийн чиглэлээр тэргүүлэгч их сургуулиудын нэгийг "босголцсон" гэдгийг нь бид онцлохыг хүслээ. Амжилтад хүрсэн эрхмүүд хэрхэн ажилладаг, өөрийгөө хөгжүүлдэг талаар огт ойлголтгүй байх үед маань тэр "Ном унших миний арга барил" нэртэй нийтлэлийг бичиж залууст өөрийн туршлагаас хуваалцаж байсныг нь одоо ч эргүүлж уншихад үнэ цэнээ алдаагүй байдаг. Энэ хүн бол Монгол улсын 21 дэх ерөнхий сайд Р.Амаржаргал. Харин түүний гэргий олны өмнө нэг их фокусладаггүй. Тэгвэл тэдний хамтдаа байгаа агшныг бид хуваалцаж байна. Аргагүй л загас усандаа, Р.Амаржаргал сайд асан гэргийтэйгээ байхдаа жаргалтай аж.