“МОТИВ”-ИЙН ЖИЖИГЭЭ БИЗНЕСМЕН БОЛЖЭЭ

   Камертон хамтлагийн дараа тууштайгаар уран бүтээлээ хийж байгаа хөвгүүдийн хамтлаг бол Мотив. Чадалтай хоолойтой гэгдэн, дуу болгон нь хит болдог тус хамтлагийнхан хоорондоо эв түнжинтэй гэдгээрээ олонд нэр хүндтэй. 

   Хит дууны эздийн нэг тус хамтлагийн гишүүн Жижигээ буюу Эрдэнэбаяр сүүлийн үед бизнес хийгээд завгүй явна. Тэрээр зуны дэлгэр цаг болж байгаатай холбогдуулан шар айраг, шоу хосолсон асар ажиллуулан залуусыг “доргиож” явна. Өдөр бүр сонирхолтой шоу зохион байгуулдаг түүний “Сэнгүр” асарт хотын залуус ч очиж цагаа өнгөрөөх дуртай гэсэн. “Дижитал” хамтлагийн найзууд нь мөн “Мотив” ч өөрсдөө энд ая дуугаа өргөж байгаа харагдана. 

   “Монголчууд эвтэй байхдаа хүчтэй” гэдгээр хамтлагийн андаа дэмжихээр “Мотив”-ынхон Жижигээгийн эрхэлдэг бизнесийн шоунд орой бүр оролцож байгаа сурагтай. 

   Саяхан аав болж, үрийн зулай үнэрлэсэн Эрдэнэбаяр ар гэрээ авч явах үүргээ биелүүлэн, жинхэнэ сэргэлэн бизнесмен болжээ.