С.Чинзориг Б.Чойжилсүрэнг нүүр хийх газаргүй болгов

УИХ-ын чуулганы хуралдаанаар төсвийн тодогтголыг хэлэлцэж, гишүүд асуулт асууж, Сангийн сайд Б.Чойжилсүрэн хариулт өгч байна. Энэ үеэр УИХ-ын гишүүн С.Чинзориг “Чойжоо сайд аа, та юм л болбол Олон улсын валютын сангийн шаардлагаар татварууд нэмж байгаа гэдэг хариултыг өгч байна. Үнэндээ ямар хэлэлцээр хийчихсэн чинь тодорхойгүй байгаа шүү дээ. Гишүүд энэ хэлэлцээрийг чинь бичгээр авч үзэж болох уу.

Эсвэл нууц юм уу. Тэтгэврийн нас нэмнэ гээд байгааг би хувьдаа эсэргүүцэж байгаа.  ер нь цаашид Олон улсын валютын сангийн шаардлагаар гээд нийгмийн халамжийн чиглэлд хэрэгжиж байгаа үйл ажиллагаануудыг зогсоох асуудлыг оруулаад ирэх ёстой юм биш биз дээ” хэмээсэн юм. Харин түүний асуултад Сангийн сайд өмнө нь ярьж байсан тайлбараа л хийхээс өөр юу ч хэлж чадсангүй.