Гүндалайгийн байрлуулсан машины хаалтыг онцгойгийнхон буулгажээ

Өнгөрөгч 2016 оны есдүгээр сард Хан-Уул дүүргийн 11-р хороонд харъяалагддаг Богд-Уулын зүүн аманд, УИХ-ын гишүүн асан Л.Гүндалай хувийн хөрөнгөөрөө зам гаргасан хэмээн тус амны оршин суугчдаас их хэмжээний мөнгө нэхэмжилсэн байдаг. Улмаар нэхэмжилсэн мөнгийг өгөх хүртэл уулын ам руу автомашин нэвтрүүлэхгүй хэмээн хаалт тавиад байсан юм. Харин түүний тавьсан хаалтыг өнгөрөгч амралтын өдөр Нийслэлийн Онцгой байдлын газрын алба хаагчид буулгажээ.

УИХ-ын гишүүн Л.Гүндалай нь, өөрийн дүүгийн компани болох “Эм Би Эм Эн  констракшн”-аар Зайсангийн амны нэг км гаруй замыг өөрийн хөрөнгөөр санхүүжүүлэн, 56 сая төгрөгийн өртөгтэйгөөр байгуулсан ажээ. Энэхүү аманд УИХ-ын гишүүн асан Л.Гүндалайн эзэмшлийн гэх долоон хаус болон нэр бүхий улс төрчийн гэсэн дөрвөн айлын хувийн байшин байрладаг аж.

Эх сурвалж: Medee.MN