“Panama Papers” Сү.Батболдын оффшор дансыг ил болголоо
“Panama Papers” олон улсын байгууллагаас гаргадаг хилийн чанадад оффшор данс эзэмшигчдийн нэрийн жагсаалтад нэг жилийн хугацаанд хоёр ерөнхий сайд шинээр нэмэгджээ. Үүний нэг нь Монгол Улсын Ерөнхий сайд асан, УИХ-ын гишүүн Сүхбаатарын Батболд аж.
Тус материалд "Сүхбаатарын Батболд 2009-2012 оноос Монгол Улсын Ерөнхий сайд байсан. Одоо УИХ-ын гишүүн юм. Улс төрд орохын өмнө харилцаа холбоо, худалдаа, зочид буудал гэсэн өргөн хүрээг хамарсан компаний гүйцэтгэх захирал байсан. 2000 онд Батболд Гадаад хэргийн дэд сайдаар томилогдсон.
2000-2009 оны хооронд тэрээр Ерөнхий сайдын зэрэгцээ УИХ-ын гишүүн, Худалдааны сайд, Гадаад хэргийн сайдаар ажиллаж байсан. 2003 оны 11 дүгээр сард Гадаад хэргийн сайд байхдаа Батболд Их Британий Вирижиний арлуудад байгуулагдсан "Batu Mining Limited” оффшор компаний хувьцаа эзэмшигч болжээ.
“Batu Mining Limited” нь "Batu MIning Mongolia" ХХК-ийн толгой компани бөгөөд Монгол дахь зэс, алтны хайгуулын лиценз эзэмшдэг олон улсын томоохон хөрөнгө оруулагчдыг хамтарсан компани юм. 2005 оны 12 дугаар сард Батболд тухайн үед Худалдаа, аж үйлдвэрийн сайд болсныхоо дараа Британийн Виржинийн арлууд дахь компанийн хувьцаагаа Хонконгод төвтэй "Ever Legend Engineering Limited" компанид шилжүүлсэн" хэмээн мэдээлсэн байна.
24Tsag.MN
Цагдаагийн байгууллагын 102 тусгай дугаарт 1870 дуудлага, мэдээлэл бүртгэгджээ
Өнгөрсөн онд 73 удаагийн цаг агаарын гаралтай аюулт болон гамшигт үзэгдэл тохиолдсон байна
ЦЕГ: Хуурамч архи, согтууруулах ундааг гар дээрээс худалдаалах зөрчил нэмэгдэж байна
Мансууруулах бодисын агууламжтай их хэмжээний эмийг хууль бусаар хадгалсан 9 холбогдогчтой 9 гэмт хэргийг илрүүлэн шалгаж байна
Хүн худалдаалах хэргийг шүүхэд шилжүүлжээ
“Монголросцветмет”-ийн захирал Д.Тогтохсүрэнгийн ажлын байранд АТГ-ынхан нэгжлэг хийж саатууллаа
А.Баасансүрэн: “Амар байна уу 2026” үзэсгэлэн худалдаанд үндэсний үйлдвэрлэгчид үйлдвэрийн үнээр бүтээгдэхүүнээ борлуулж байна