“Хувьсал”-ын хувь, хувьсгалын ажлыг зохицуулагч

Драмын театрын тайзнаас нэг л өдөр бууж байгаагаа зарлан “Хувьсал” продакшнаар овоглох болсон МУГЖ У.Уранчимэгийн ур чадварын талаар энд дурсахгүй өнгөрч болохгүй л дээ. Урлагийн хүнд байх ёстой бүхий л эрхэм чанарыг өөртөө шингээсэн хэмээн ойр тойрныхондоо үнэлэгддэг түүнийг шударга ч гэж ярьцгаадаг.

Буруугүйн өмнө дуугүй өнгөрч суудаггүй тэрбээр энэ удаагийн “Академи авардс” наадамд “Алтанд үлдсэн эрдэнэ” дэлгэцийн уран бүтээлээрээ өрсөлдсөн юм. Гэхдээ сүржин нэрнээс цаашгүй уг наадмаас шагналыг нь түүж чадсангүй гэдэгтээ бус уг наадмын жинхэнэ нүүр царайг тэднийхэн илчлээд өгсөн. Тодруулбал хэн хэн, аль номинацид шагнал авах нь урьдчилаад тодорчихдог уг наадам мөнгө угаах хэрэгсэл болсныг зарлаад авсан тэд ирэх жил оролцохгүй нь ойлгомжтой. Хувьсал продакшныхаа хувь, хувьсгалын ажлыг чадварлаг зохион байгуулдаг У.Уранчимэг гавьяатад томоос том баяр хүргэх хэрэгтэй, тэр мундаг менежер, сайн хамтрагч, сайхан ч бүсгүй. 

Э.Нашка