Ганц дайчин ганцаардахгүй

“Босоо хөх монгол хөдөлгөөн”-ий  тэргүүн П.Шинжээравдан гэх энэ нөхрийг манайхан эчнээ танина. Газар нутгийнхаа бүтэн байдлын төлөө, хятадуудтай “үзэлцлээ” “Босоо хөх монгол хөдөлгөөн”-ий залуус хорих 461-р анги руу ачигджээ, ураны талаар тэд ам нээлээ, хятадуудаас мөнгө шантаажилжээ” гэх мэт эерэг сөрөг олон мэдээллүүд цацагддаг.

Харин энэ удаа хөдөлгөөний тэргүүн П.Шинжээравдан УИХ-ын ээлжит сонгуульд 65-р тойрогт бие даан өрсөлдөхөөр өчигдөр нэр дэвшигчийн үнэмлэхээ гардаж авчээ. Тодруулбал Чингэлтэй дүүрэгт МАН-аас нэр дэвшигч Ө.Энхтүвшин, АН-аас нэр дэвшигч Б.Мөнхтуяа нартай өрсөлдөхөөр болсон байна. Ганц дайчин ганцаардахгүй гэдэг. Нөхөд нь хорих ангид баривчлагдан саатуулагдсан байгаа ч тэрбээр улс орныхоо бүтэн байдал, аюулгүй байдлын төлөө хөлөө хүрэх газар хүртлээ явна гэсэн амлалтандаа хүрч, сонгох сонгогдох эрхээ эдлэхээр УИХ-д нэр дэвшсэн нь энэ. Харин түшээд авна уу, түлхээд хаяна уу гэдэг сонгогч түмний эрхийн асуудал. 

Э.Нашка