Авто клубууд цасанд суусан иргэдэд тусаллаа

Өнөөдөр өглөө цахим сүлжээнд нэгэн гэгээлэг мэдээ олны анхаарлыг татан байлаа. Энэ бол “Autоmania Mongolia” фейсбүүк хуудсанд тавигдсан гэрэл зураг мэдээллүүд юм.

Тодруулбал, “2016.03.05.11 цагийн байдлаар аврах ажиллагаанд клубуудын нийт 70 орчим машин 150 хүний бүрэлдэхүүнтэйгээр оролцож 150 орчим машин 350 орчим хүнд туслалцаа үзүүлсэн байна.

 "Монголын Бартаат Замын Авто Спортын Холбоо"

MOF,

"Mongolian Pajero Club"

"Mongolian Hummer Club",

"Mongolian Landcruiser Club",

"Patrol Club",

"Patrol Y60",

"Jeep Wrangler Club"

, "LX 470 Club",

"Mercedes Benz Club",

“Mongoliin Toyota Hilux”,

“4runner”,

“Tacoma group”,

"Landcruiser 70 series Mongolia",

“High Lux”

клубынхэн өчигдөр орой ийнхүү баруун зүүн чиглэлд цасанд боогдсон суусан иргэдэд тусалжээ. Тэд зөвхөн цасанд суусан боогдсон гацсан авто машинаараа туслаад зогсохгүй тухайн газарт ажиллаж байгаа ОБЕГ-ынханд болон тусламж хүссэн иргэдэд халуун хоол цайгаар үйлчилсэн байна. Энэхүү аврах ажиллагааг ОБЕГ-тай хамтран зохион байгуулж, өөрсдийн хөрөнгөөр авто машиндаа шатахуун хийн тусламжийн гараа сунган ажиллажээ.

Монголчууд хэрэгтэй цагт, хэрэгцээтэй зүйлсээрээ нэг нэгэндээ сэтгэл гарган ажиллаж байгаа нь өнөөдөр ийнхүү цахим сүлжээнд олны хайр, хүндлэлийг хүлээн байлаа.