Майли Сайрус, Лиам Хемсворт нар гэрлэжээ

Майли Сайрус, Лиам Хемсворт нар эргэн нэгдэж амжаагүй байтал тэднийг гэрлүүлчихсэн байна. Зарим нэгэн эх сурвалжууд тэднийг маш нууц байдалд хуримаа хийсэн хэмээн мэдээлэх болжээ. Тэд Майли, Лиам хоёр хэдхэн хоногийн өмнө гэрлэсэн гэж мэдэмхийрэв. Нууц хуримын ёслол жүжигчин эрийн эх оронд түүний хамаатнуудыг байлцуулан болсон гэнэ.

Тэдэнд ойрхон нэгэн эх сурвалж энэ талаар “Майли, Лиам нар саяхан бидэнд гэрлэсэн тухайгаа ам нээсэн. Гэнэт гаргасан энэ шийдвэртээ тэд дэндүү итгэлтэй байсан юм. Одоо тэд нэг нэгнийгээ миний нөхөр, миний эхнэр хэмээн хэлж байгаа. Найзууд нь хуримын ёслолдоо уриагүйд нь жаахан гомдсон шүү” хэмээн ярьжээ.

Хуримын ёслолд Хемсвортын ах нар, эхнэрүүд нь, сүйт бүсгүйн гэрчээр жүжигчин Эльза Патаки оролцсон гэдгийг хэлсэн аж.