С.Төгс эх орныхоо нэрийг гаргахаа амлалаа

Алдарт загвар өмсөгч Тайра Банксын бүтээл болох “Америкийн дараагийн топ модел" телевизийн шоу нэврүүлгийн албан ёсны эрх бүхий “Азийн дараагийн топ модел” шоунд Монгол Улсын загвар өмсөгч анх удаа оролцохоор болсон талаар бид өмнө нь мэдээлж байсан билээ. 

Тэгвэл эх орныхоо нэрийг дэлхийн загварын тайзнаа гаргаж буй загвар өмсөгч С.Төгс тус шоуны шилдэг 14-т багтжээ. 

Тэрбээр гэрээний хүрээнд өнөөг хүртэл ямар нэгэн мэдээлэл өгөөгүй бөгөөд ийнхүү шоу нэвтрүүлэг дуусахаас өмнөхөн энэхүү баярт мэдээгээ нүүр номын найзуудтайгаа хуваалцсан юм. 

 “Азийн дараагийн топ модел” нэвтрүүлэгт оролцож буй С.Төгсийг монголчууд маань ихэд дэмжиж, сэтгэлийн дэм хайрлаж байгаа аж.

Үүнд нь урамшсан тэрбээр өөрийн нүүр хуудсаараа дамжуулан талархлаа илэрхийлж, заавал Монголынхоо нэрийг гаргаж, дэмжигчдийнхээ ачийг хариулахаа амлалаа.

“Аsia s Next Top Model Cycle 4” шоуны шилдгүүдийг ирэх гуравдугаар сарын 9-нд тодрох юм.